數碼收音機

上星期是吱喳鳥媽媽生日，我都特別去搜尋生日禮物給她，也問問吱喳鳥意見，他說去找個數碼收音機吧，因為可以無時無刻收聽她喜愛的粵曲和麥sir節目，於是乎我就向這途徑，可惜原來香港不是有很多地方買，好彩現在最方便和朋友溝通的whatsapp幫到我，只需響group問，好快就有人答我，果然，呢間鋪頭是專買數碼收音機，都有好多款!! 吱喳鳥媽媽收到後好開心，我也好開心
地點: 深水埗福仁商場1樓

維記豬潤麵

終於都第一次去食呢間豬潤麵，個個都話好味，但我就未去過，咁岩上星期六出開去，於是就膽粗粗去嘆番個週末lunch，豬潤的確係好味，可惜個麵煮得太淋，唔係我杯茶，下次有機會試下豬潤米先

Churros d'Amour

上星期因為有朋友嚮英國返黎, 但好快又會返番去, 我地一班朋友就同佢黎個歡迎PARTY及送行PARTY!

當晚有人提議去旺角既Churros d'Amour食甜品, 但重點係因為果度有個法國型男XDD

但事實上, 除左果度有個法國型男之外, 佢果度既waffle同埋churros 都超好食! 令到瘦身中既我都忍唔住食左一小舊! 值得推介!

努力減磅

已經3個幾月，呢半個月入面，我似乎進入左平台期階段，磅數唔上唔落，我要keep住，亦要在運動及飲食改變小小，希望可以衝破呢個階段!!

翠華入浸

我喜愛的翠華終於都響屋企樓下開啦，以後突然想食我都可以落樓下啦，開心開心

狂舞派~~狂舞吧

值得欣賞的電影~狂舞派!

為了跳舞, 你可以去到幾盡?

在網上見到有人講因為夢想類死人, 覺得夢想與事實不符! 但我覺得, 與其去諗夢想事實不符, 不過細心想下你自己想要既係咩野! 去做, 就唔會有後悔! 但同時, 要得到既野, 就會失去某d野!

而我既夢想呢?

大焗爐

吱喳妹同吱喳鳥好鍾意玩煮飯仔，亦都慢慢物色心目中的煮食爐俱，吱喳鳥一直都係心愛大座既焗爐，但廚房有限位置，如果選擇四頭爐拼焗爐，四頭爐煮食係極之唔方便，究竟我地會選擇咩類型會好d呢?